Reali në qendër të polemikave/ Mbappé, Vinicius dhe Konaté fshehin mesazhin pro Ceuta

“Los Blancos” kishin përgatitur për ndeshjen me Elche një fanellë në mbështetje të qytetit Ceuta, që po kalon një krizë komplekse migracioni. Disa lojtarë vendosë ta mos e ekspozojnë.

Një gol në minutën e 91-të i ka dhënë fitoren Real Madrid-it ndaj Elche, duke kapur në krye të klasifikimit Barcelona-n, por gjatë mbrëmjes madrilenët u kritikuan për sjelljen në fushë dhe një zgjedhje shumë të diskutueshme jashtë saj.

Skuadra të ndryshme të La Liga dhe Segunda po mbështesin Ceuta-n, klubin e B-së spanjolle të qytetit pranë Afrikës, i përfshirë nga kriza sociale dhe politike, e shpërthyer për shkak të migracionit që më 1 gusht. Elche dhe Real Madrid vendosën të zbrisnin në fushë me një fanellë në mbështetje të Ceuta-s, por Mbappé, Vinicius dhe Konaté e bojkotuan iniciativën. Dy të parët e veshën t-shirt-in deri në gjysmë, kurse i treti e mbajti në dorë.

Kjo zgjedhje nuk kaloi pa u vënë re dhe menjëherë më pas pati polemika. Në Spanjë mbështetja ndaj Ceuta-s, si qytet së pari dhe pastaj si skuadër futbolli, është një çështje shumë e ndjeshme. Pak ditë më parë, trajneri i Spanjës, De la Fuente, shkoi personalisht në atë qytet.