Reforma Zgjedhore, Rama: Ultimatumet nuk funksionojnë me mua. Të hapur të dëgjojmë këdo që ulet në tryezë

Kryeministri Edi Rama ka dhënë një mesazh të qartë për opozitën lidhur me reformën zgjedhore, duke theksuar se dialogu mbetet mënyra e vetme për të arritur marrëveshje mes palëve politike.

Rama nënvizoi se çdo diskutim mbi reformën duhet të zhvillohet në tryezë dhe se imponimet, ultimatume dhe qëndrime të paracaktuara nuk mund të funksionojnë.

“Ne jemi të hapur të dëgjojmë me durim këdo që ulet në tryezë që ulet për të folur e biseduar. Imponime, ultimatume, qëndrime të paracaktuara, besoj se është mjaftueshëm kohë e gjatë, për të kuptuar që me mua dhe ne nuk mund të funksionojnë. Jemi të interesuar që të ulim numrin e deputetëve të parlamentit. Uroj të kemi konsensus. Nga këto çdo diskutim tjetër është i hapur”, tha Rama.

Sa i përket reformës administrativo-territoriale, Kryeministri theksoi se procesi ka qenë gjithëpërfshirës dhe ka përfshirë një angazhim të gjerë nga të gjitha palët.

“Sa i përket reformës administrativo-territoriale, procesi ka qenë gjithëpërfshirës”, tha ai.