Rikthim i mundshëm i miqësisë: Karlie Kloss në dasmën e Taylor Swift

Lista e të ftuarve në dasmën e shumëpërfolur të Taylor Swift ka tërhequr sërish vëmendjen e mediave, pasi në të është përfshirë edhe supermodelja Karlie Kloss, pavarësisht spekulimeve për një ftohje të marrëdhënies mes tyre.

Sipas raportimeve, ftesa e Kloss fillimisht ishte e pasigurt, por burime të tjera thonë se ajo do të jetë pjesë e ceremonisë. Ndërkohë, Swift pritet të martohet me Travis Kelce rreth datës 3 korrik.

Burimet theksojnë se disa nga marrëdhëniet e Swift janë tensionuar me kalimin e viteve dhe se këngëtarja dëshiron të rrethohet nga njerëz që kanë pasur rol të rëndësishëm në jetën e saj.

Swift dhe Kloss janë njohur në vitin 2013 dhe për disa vite kanë pasur një miqësi të afërt, duke u shfaqur së bashku në evente publike dhe projekte të ndryshme.

Megjithatë, marrëdhënia e tyre u përfol në vitin 2018, kur Kloss u martua me Joshua Kushner dhe Swift nuk mori pjesë në dasmë, duke u justifikuar me angazhime pune. Në atë periudhë, në rrethin e Kloss ishte edhe menaxheri Scooter Braun.

Në vitin 2019, Braun bleu katalogun muzikor të Swift, një veprim që këngëtarja e cilësoi si “të neveritshëm” dhe që çoi në ri-regjistrimin e albumeve të saj.

Sipas një burimi, Swift ka besuar më vonë se qëllimet e Kloss nuk ishin plotësisht të sinqerta dhe se miqësia ishte ndikuar nga fama dhe interesat profesionale.

Megjithatë, burime të tjera pretendojnë se dyshja i ka zgjidhur mosmarrëveshjet dhe se Kloss është sërish në listën e të ftuarve.

Në dasmë pritet të marrin pjesë edhe emra të tjerë të njohur si Zoë Kravitz, Ed Sheeran, Gigi Hadid dhe Selena Gome.