Saimir Pirgut i ndahet çmimi i njohur operistik në Itali
Tenori shqiptar, Saimir Pirgu – i cili me zërin e vet ka pushtuar skenat më të njohura të muzikës operistike në botë – është vlerësuar me çmim që ndahet për zërat e shquar të botës operistike në Itali.
Pirgu, të dielën, në skenën e “Verona Philarmonic Theatre” ka pranuar çmimin “Verona Opera Prize”, që është themeluar para pesë vitesh nga “Zenatello Giovanni” dhe “Giuseppe Verdi.” Fitues të mëhershëm të këtij çmimi janë emrat e njohur të botës operistike, Fiorenza Cedolins, Hui He, Francesco Meli dhe Marco Berti, shkruan sot “Koha Ditore”.
Lajmin e ka bërë publik vetë Pirgu nëpërmjet rrjeteve sociale. E në media italiane, lajmi për nderimin që i është bërë Pirgut, është shoqëruar edhe me një biografi të shkurtër të tenorit…
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.