Sefer Tahiri: Moment i ri, Ziadin Sela po angazhohet për federalizmin e Maqedonisë
Profesori universitar Sefer Tahiri e theksoi momentin e ri në skenën politike shqiptare për angazhimin e liderit të LR PDSH-së, Ziadin Sela për federalizmin e Maqedonisë.
“Moment i ri:LR PDSH, në fakt lideri i kësaj partie Ziadin Sela angazhohet për federalizimin e Maqedonisë në dy njësi federative: shqipfolëse dhe maqedonishtfolëse.”, shkroi Sefer Tahiri në llogarinë e tij në Facebook.
Përndryshe, para disa ditësh, lideri i LR PDSH, Ziadin Sela komentoi deklaratën e VMRO-DPMNE-së se nuk janë të gatshëm ta pranojnë gjuhën shqipe si gjuhë zyrtare në tërë territorin e Republikës së Maqedonisë.
“VMRO nuk pranojka gjuhën shqipe si gjuhë të dytë në tërë Maqedoninë. Për hir të së vërtetës edhe ne se duam të dytë, por të barabartë me maqedonishten në tërë Maqedoninë. Jemi të gatshëm të bëjmë një kompromis: Në qoftëse nuk e doni të barabartë shqipen dhe maqedonishten në të gjithë Maqedoninë, atëherë e ndajmë Maqedoninë në dy njësi federative. Një shqipfolëse, një sllavishtfolëse.”, shkroi Ziadin Sela.