Skënderbeu fiton 3-2, por i lë jashtë fitorja e serbëve
Ndeshja e pestë e Skënderbeut në Europa Ligë regjistroi mbrëmë një sukses impresionues 3-2 ndaj skuadrës më të fortë në grupin B, Dinamos së Kievit, por ironikisht kjo fitore përkon me eliminimin. “Ujqërit e Dëborës” ishin formacioni më i mirë në fushë ndaj ukrainasve por triumfi i Partizanit të Beogradit çimentoi për serbët dhe vendin e dytë kualifikues të mbetur në dispozicion.
Në fraksionin e dytë nigeriani James Adeniji kaloi për herë të parë në epërsi Skënderbeun pasi iu vodh mbrojtjes mike duke shënuar pranë portierit. Rrjeta e tretë u krijua nga asisti i bukur i Gavazajt dhe finalizimi i Ali Sowe. Në fund një gabim në prapavijë solli golin e Rusin, por jo mjaftueshëm për të rrezikuar fitoren e korçarëve dhe çekun 360 mijë euro nga UEFA.
Suksesi i Skënderbeut u zbeh disi nga fitorja e Partizanit të Beogradit ndaj Young Boys që çoi serbët të dytë me 8 pikë në grup. Korçarët si forcë e tretë janë të eliminuar dhe në 7 Dhjetor ndaj zviceranëve do ti japin fund një aventure gjithsesi pozitive në Europë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.