Slot: Me Palace nuk kemi fituar në 3 ndeshje këtë sezon, ta thyejmë tersin e të sigurojmë Champions

Trajneri i Liverpool, Arne Slot, foli sot për mediat në prag të ndeshjes që “reds” do të luajnë ndaj Crystal Palace në Premier League. Ai konfirmoi se renditja në 5 të parët tashmë mbetet objektivi kryesor për këtë sezon.

“Marzhet janë të vogla. Një ose dy rezultate mund të bëjnë një ndryshim të madh. Dy javë më parë nuk ishim pesë pikë larg vendit të gjashtë. Situata mund të shkojë në të dyja drejtimet, kështu që fokusi im i plotë është te Palace”, tha Slot.

“Kemi luajtur kundër tyre tre herë këtë sezon dhe nuk kemi qenë në gjendje t’i mposhtim asnjë herë. Në tetë ndeshjet e fundit kemi marrë 16 pikë, por forma jonë e fundit në ligë është e pranueshme“, shtoi holandezi.

Ai foli edhe mbi vështirësinë e krijimit të rasteve kundër Palace: “Ajo që e bën të vështirë janë lojtarët me të cilët përballesh. Ata kanë një ekip të mirë, një menaxher shumë të mirë. Është vërtet, vërtet e vështirë të krijosh raste kundër tyre”.

“Salah? “Është shumë e rëndësishme për ne që kemi sulmues që shënojnë gola. Nëse shikoni suksesin e sezonit të kaluar, kishim shumë sulmues që shënuan shumë gola. Këtë sezon, mund të shikoni shifrat. Ka një rënie të vogël në krijimin e rasteve”.

“Me Salah jam i kënaqur që ai po shënon më shpesh. Gjërat kthehen në normalitet dhe normalja për Më në karrierën e tij në Liverpool është se ai po shënon gola“, deklaroi Slot.