Konservatori Alberto Nunez Feijoo, Partia Popullore (PP) e të cilit doli në krye në zgjedhjet legjislative spanjolle, pa marrë numrin e vendeve të nevojshme për të formuar një qeveri, i kërkoi kryeministrit në largim Pedro Sánchez një takim për të shmangur “një situatë të paqeverisshme”.
“Sapo i kam kërkuar kandidatit të PSOE (Partisë Socialiste) Pedro Sanchez një takim këtë javë”, shkroi z. Feijoo në rrjetin social Twitter, i riemërtuar X.
Kreu i PP-së tregoi se këtë kërkesë e ka bërë pasi ka përfunduar numërimi i votave të votuesve spanjollë që jetojnë jashtë dhe “si fitues i zgjedhjeve të 23 korrikut”.
Numërimi i votave nga jashtë, i cili përfundoi të shtunën, i dha Partisë Popullore një vend për njësinë elektorale të Madridit të caktuar fillimisht për socialistët, dhe megjithëse këta të fundit mbeten favorit për të formuar një qeveri, balanca e re e pushtetit e bën situatën e tyre më të komplikuar.
Në fund të këtij numërimi, socialistët kaluan nga 122 në 121 deputetë dhe PP e Alberto Nunez Feijo0o nga 136 në 137, të dy partitë ishin larg 176 vendeve të nevojshme për të marrë një shumicë absolute në parlament në raundin e parë.
Me mbështetjen që kanë të dy partitë, balanca e pushtetit tani është 171 deputetë për të majtën dhe 171 për të djathtën.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.