Stones: Me Anglinë kam kaluar disa nga momentet e mia më të mira, kemi shumë për të arritur këtë vit

John Stones hyri në fushë dhe luajti një rol jetësor në fitoren 3-2 të Anglisë kundër Meksikës në Kupën e Botës pak ditë më parë, duke e ndihmuar “3 luanët” në kualifikimin në fazën çerekfinale edhe pse skuadra e tij luante me 10 lojtarë.

32-vjeçari, që këtë verë është një lojtar i lirë pas largimit nga Manchester City, është në fundin e karrierës së tij në kombëtare, periudhë të cilën e kujton me krenari. “Mendova se nuk do të luaja përsëri për Anglinë“, tha Stones.

Më tej, lojtari anglez shtoi: “Rrethanat ndryshuan vitet e fundit dhe që atëherë, dhe madje edhe para asaj kohe, nuk e marr kurrë si të mirëqenë grumbullimin. “

“Kam qenë shumë me fat, kam pasur disa nga momentet më të mira të karrierës sime me fanellën e Anglisë. I grumbulluar kam kaluar disa nga momentet më të mira sepse je larg me të gjithë për gjashtë javë në të njëjtën kohë dhe krijon disa kujtime të pabesueshme“, shtoi Stones.

“Jam jashtëzakonisht krenar për atë që kam bërë me fanellën e Anglisë dhe ka ende shumë për të ardhur. Në mendjet tona ne jemi ende fëmijë të vegjël që përpiqemi të arrijmë ëndrrat tona dhe nuk e kuptojmë se ku ndodhemi. Kemi dashurinë e të gjithëve në shtëpi dhe po bëjmë atë që bëjmë zakonisht”, përfundoi Stones.