Tahiri te Krimet e Rënda, prokurorët marrin në pyetje ish-ministrin
Sipas një ftese të dërguar në zyrën e avokatëve të tij, Saimir Tahiri u paraqit në Prokurorinë e Krimeve të Rënda ashtu siç të martën i shprehu gatishmërinë organit të akuzës me një memo publike. Në hyrje dha vetëm një shtrëngim duarsh me efektivin e policisë së gjykatës.
“Dua të falenderoj prokurorët që morën parasysh kërkesën time për të pasur një hetim sa më të shpejtë në kohë, sa më të gjithanshëm dhe sa më objektiv. Me kërkesën time u paraqita për të dhënë shpjegimet e mia dhe për të shprehur gatishmërinë sot dhe kurdoherë, deri në fund me çdo mjet timin dhe disponibilitetin tim personal për t’iu përgjigjur çdo kërkesë të Prokurorisë”, u shpreh Tahiri.
Por ai u tregua i mbyllur mbi pyetjet qe prokuroret i drejtuan gjate dy orëve e gjysmë sepse kjo është një betejë e tij me drejtësinë.
“Unë nuk kam ndërmend ta bëj betejën time për drejtësi para jush apo akoma më keq ta kthej në një histori debati politik. Unë them që debati politik lidhur me këtë histori duhet të mbyllet, unë betejën time e kam para drejtësisë dhe shqiptarëve. Të jeni të bindur se unë jam tërësisht i disponueshëm për t’iu përgjigjur çdo pyetje. Do përpiqem gjithçka jam dhe me gjithçka kam për ti shkuar deri në fund të drejtës sime dhe të vërtetës sime”, tha ish-ministri i Brendshëm.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.