Takimi i Ruçit me Ish Ambasadorin e SHBA-ve në Tiranë, Arvizu: Alternativa e Shqipërisë është BE-ja
Ish Ambasadori i SHBA në Tiranë Aleksandër Arvizu është pritur në një takim nga kryeparlamentari Gramoz Ruçi. Kryetari Ruçi e falenderoi Ambasadorin Arvizu për misionin e tij të sukseshëm në Tiranë ndersa u shpreh se Ai ka qenë konstant në qëndrimet e tij, si me shumicën qeverisëse, ashtu edhe me opozitën. Nga ana e tij Arvizu tha se e njeh luftën e ashpër politike në Shqipëri.
“Por vendi i opozitës është në Kuvend dhe me prezencën dhe betejat e saj politike e parlamentare ajo duhet tu japë shqiptarëve arsye dhe motive për ta votuar. Ambasadori Arvizu vlerësoi edhe progresin e Shqipërisë drejt integrimit europian. “Shqipëria është e qartë që për të nuk ka alternativë tjetër përveç marshimit drejt BE-së dhe fuqizimit të marrëdhënieve me ShBA-të, u shpreh gjatë takimit ish ambasadori Arvizu.
Arvizu ndodhet në Shqipëri për ceremoninë e dekorimit nga Presidenti i Republikës. “ Për merita të veçanta civile”. Kryetari i Kuvendit Ruçi tha se Dekorata e akorduar nga Presidenti i Republikës shpreh mirënjohjen e të gjithëve, institucioneve dhe qytetarëve të këtij vendi.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.