Tepić: Zgjedhjet nuk janë garë e zakonshme, por “finalja e luftës për çlirimin e Serbisë”

Marinika Tepić, nënkryetare e Partisë së Lirisë dhe Drejtësisë (SSP) dhe një nga bartësit e listës zgjedhore “Serbia Evropiane”, deklaroi se zgjedhjet parlamentare të 25 tetorit nuk janë “një garë e zakonshme politike”, por “finalja e luftës për çlirimin e shtetit, të cilin regjimi aktual e ka marrë peng”.

Ajo akuzoi regjimin e presidentit Aleksandar Vučić se “sistematikisht po shkatërron institucionet dhe po shkel ligjet”, duke shtuar se Serbia është kthyer në “posedim privat, parajsë për korrupsionin dhe krimin e organizuar”. Sipas saj, “shëndetësia dhe arsimi janë shkrirë deri në rrënoja, ndërsa ekonomia i është nënshtruar plotësisht karteleve dhe elitës partiake”.

Tepić theksoi se 25 tetori “mund të jetë data e kthesës historike” dhe se objektivi kyç i listës “Serbia Evropiane” është ndryshimi i sistemit të vlerave dhe vendosja e sundimit të ligjit — ndër të tjera përmes ligjit për prokurorin special për korrupsionin e zyrtarëve të lartë.

Ajo njoftoi se lista është gati që, pas marrjes së pushtetit, të zbatojë një operacion të ngjashëm me “Sabljën” — aksionin e madh të policisë që pasoi vrasjen e kryeministrit Zoran Đinđić në vitin 2003.

Burimi: Danas