Tirana disa orë në terr, defekti në nënstacion la pa energji kryeqytetin

Operatori i Shpërndarjes së Energjisë elektrike ka njoftuar pasditen e së enjtes për një ndërprerje masive të elektricitetit në qendër dhe në zonat kryesore të Tiranës, që ka zgjatur disa orë.

Sipas njoftimit të OSHEE, linja e Operatorit të Sistemit të Transmetimit që furnizon nënstacionin prapa Hotel Tirana pësoi një defekt.

Për pasojë mbetën pa energji zona e ish-Bllokut, ajo tek Prokuroria e Përgjithshme, si dhe rrugët Qemal Stafa, e Durrësit, e Kavajës dhe ajo e Elbasanit.

Punonjësit e OST-së kanë riparuar defektin, duke bërë të mundur që banorët e këtyre zonave të mos e kalojnë ndërrimin e viteve nën dritën e qirinjve.