Trump i interesuar për takim me zyrtarë të lartë iranianë në OKB

Presidenti i SHBA-së, Donald Trump, ka shprehur interes për të takuar zyrtarë të lartë iranianë që ndodhen në Nju-Jork për Asamblenë e Përgjithshme të Kombeve të Bashkuara, raporton CNN.

Një zyrtar amerikan i paemëruar i tha televizionit se Trump u ka thënë këshilltarëve të tij se do të dëshironte të organizonte një takim me zyrtarët iranianë. Nëse një takim i tillë realizohet, ai mund të përfshijë këshilltarët më të lartë të presidentit amerikan.

Ministri i Jashtëm iranian, Abbas Araghchi, ka mbërritur tashmë në Nju-Jork, ndërsa presidenti iranian Masoud Pezeshkian pritet të mbërrijë së shpejti, raporton Al Jazeera.

Trump më herët tha se “ndoshta” do të ishte i hapur për një takim me Pezeshkianin gjatë javës së OKB-së, ndërsa Irani e ka cilësuar asamblenë si një “mundësi të artë” për bisedime. Lufta gati shtatëmujore mes SHBA-së, Izraelit dhe Iranit vazhdon të dominojë agjendën diplomatike të javës.

Burimi: CNN