Tuchel: E dimë se çfarë na pret ndaj Kongos, duhet të gjejmë mënyra për të shënuar

Trajneri i Anglisë, Thomas Tuchel, ka thënë se skuadra e tij është e përgatitur për ndeshjen e radhës në Kupën e Botës, duke e ditur që Republika Demokratike e Kongos do t’ua vështirësojë jetën në ndeshjen e sotme.

“Mendoj se po përballemi me një ekip shumë kompakt dhe shumë fizik, një ekip të stërvitur mirë në një formacion të pritshëm 5-3-2. Bllok kompakt, mbrojtje e disiplinuar, ndryshim midis presionit të lartë dhe bllokut të ulët, shumë i përkushtuar, shumë i disiplinuar, i stërvitur mirë“, tha gjermani në konferencën për shtyp para ndeshjes.

“Një ekip që nuk lejoi shumë raste, nuk lejoi shumë gola kundër ekipeve si Kolumbia dhe Portugalia. Pra, kjo është në thelb ajo që na pret. E dimë se ku jemi. E dimë se tani është momenti për të gjetur mënyra për të fituar. Është momenti për t’u përqendruar”, shtoi Tuchel.

Më tej, ai komentoi: “Ata kanë aftësinë t’ua bëjnë jetën të vështirë të gjithëve. Ia bënë këtë Portugalisë dhe Kolumbisë. Pra, mendësia është e qartë dhe ne jemi gati. Është momenti për të qenë të duruar dhe për të bërë atë që bëjmë në nivelin më të lartë“.