Tuchel: Kjo është ajo që presim nga Kane, ai është aty për të zgjidhur situatat e tilla

Trajneri i Anglisë, Thomas Tuchel, i përulet sulmuesit dhe kapitenit të ekipit kombëtar Harry Kane. Ai realizoi dy golat e fitores 2-1 ndaj Kongos, që kualifikoi “3 luanët” në fazën tjetër të Kupës së Botës.

Duke folur për BBC, trajneri Tuchel vlerësoi Harry Kane: “Është ajo që presim nga ai. Është ajo që ai pret nga vetja. Ndeshje të vështira, ndeshje të ngushta dhe Harry është këtu për t’i vendosur ato. Nivel i lartë.”

“Në këtë turne duhet të përballesh me çdo situatë që vjen. Ata shënuan një gol shumë të hershëm. Pas pushimit të lojës, patëm katër ose pesë mundësi që në pjesën e parë, por nuk shënuam”, tha Tuchel.

“Situata e penalltisë nuk shkoi në favorin tonë. Ne vazhduam të godisnim, të godisnim dhe të godisnim. Reagimi dhe besimi janë të veçantë. Ne gjetëm një mënyrë për të fituar dhe e merituam”, deklaroi trajneri gjerman.