UASHINGTON – SHBA: Bisedimet me Iranin vazhdojnë pavarësisht sulmeve të reja

UASHINGTON, 10 korrik /ATSH-DPA/ – Shtetet e Bashkuara të Amerikës dhe Irani po vazhdojnë përpjekjet për të gjetur një zgjidhje diplomatike të konfliktit mes tyre, pavarësisht përshkallëzimit të ri të sulmeve në rajon, bëri të ditur administrata amerikane.

Një zyrtar i qeverisë amerikane tha se “Shtetet e Bashkuara të Amerikës mbeten të angazhuara për të arritur një zgjidhje dhe bisedimet teknike vazhdojnë”. Megjithatë, ai theksoi se veprimet e udhëheqjes iraniane përbëjnë një shkelje të marrëveshjes kuadër “në një nivel të papranueshëm”.

Ditët e fundit, ushtria amerikane ka ndërmarrë disa valë sulmesh ndaj objektivave në Iran. Uashingtoni i justifikoi këto operacione duke akuzuar Teheranin për sulmet ndaj anijeve tregtare.

Si pasojë e tensioneve, aleatët e SHBA-së në rajonin e Gjirit, përfshirë Kuvajtin dhe Bahreinin, raportuan gjithashtu zjarr armiqësor në territoret e tyre.

Presidenti amerikan Donald Trump ka shtuar presionin ndaj Iranit gjatë ditëve të fundit, duke e kërcënuar publikisht dhe duke vënë në pikëpyetje vazhdimin e bisedimeve, gjatë samitit të NATO-s në Turqi, i cili përfundoi të mërkurën./  /Ad.Ab./ a.jor.