Vendosin Laporta dhe Deco. Barcelona pret të fitojë 160 mln euro, tre lojtarët që do të shiten me patjetër këtë verë

Pas zyrtarizimit të Anthony Gordon, Barcelona ka dhe dy objektivë të tjerë për merkaton e verës: Julian Alvarez dhe njëri mes Josko Gvardiol dhe Alessandro Bastoni.

Për të bërë këto dy përforcime, është e nevojshme që katalanasit të bëjnë disa shitje. Mundo Deportivo zbulon se presidenti Joan Laporta dhe drejtori sportiv Deco, kanë nxjerrë në shitje këta tre lojtarë: Alejandro Balde, Dani Olmo dhe Roony Bardghji.

Plani i drejtuesve të Barcelonës është që të sigurojnë 160 milionë euro nga shitja e këtyre tre lojtarëve. Largimi i tyre nuk do të krijojë boshllëk të parikuperueshëm, duke qenë se trajneri Hansi Flick ka alternatvia të tjera në ekip që mund të përdorë në vend të tyre. Për Balde interesohen Chelsea dhe Man. United, për Dani Olmo interesohet Arsenal. Për Bardghji ka interes brenda La Ligës.