Vlahovic, sot është dita e së vërtetës. Marrëveshje për rinovim ose largim nga Juventusi

Per ditën e fundit të ‘shkollës’ nuk ka ‘banka’, por një tavolinë e madhe dhe disa karrige që do të zihen nga Comolli, Chiellini, Ottolini dhe Dusan Vlahovic. Tema është rinovimi i kërkuar nga Luciano Spalletti për sulmuesin serb me Juventusin; marrëveshje ose largim pa alternativa. Me një kontratë që skadon pas 27 ditësh situata është urgjente.

Vlahovic kërkon 9 milionë euro në sezon, ndërsa Juventusi nuk mund të shkojë më shumë se 6 milionë, plus bonuse, që janë të gatshme edhe për Kolo Muani. Diferenca është e madhe dhe mund të jetë e pakapërcyeshme, me Napolin dhe gjysmën e Europës (Bayern Munich, Chelsea, Barcelona dhe Newcastle) gati të ndërhyjnë.

Vetëm një zgjedhje emocionale do ta ndryshonte skenarin. Afati 30 qershor po afron dhe lojtari kërkon qartësi për të ardhmen. Edhe Napoli i Allegrit e synon, por kërkohen sakrifica financiare. Një transferim me kosto zero për Vlahovic është i favorshëm për të gjithë, përveç Juventusit.