Vrasja e dy personave në Liban nga sulmet izraelite, Hezbollahu: Shkelje e hapur e armëpushimit

Vrasja e dy personave nga sulmi izraelit në Libanin jugor më herët sot “përbën një shkelje të hapur të armëpushimit” në Liban, tha Hezbollahu.

Ushtarët izraelitë hapën zjarr ndaj një grupi njerëzish pranë një buldozeri që po pastronte një rrugë në një lagje në Nabatieh Al Fawqa, raportoi agjencia shtetërore e lajmeve NNA.

Hezbollahu pretendoi se civilët po punonin për të pastruar rrugët dhe për të nxjerrë trupa nga rrënojat.

“Sulmi i pabesë i kryer nga ushtria armike rezultoi në vrasjen e dy civilëve, njëri prej të cilëve ishte punonjës komunal, dhe plagosjen e disa të tjerëve”, tha grupi i mbështetur nga Irani.

Ushtria izraelite tha se “goditi terroristë të armatosur që përbënin një kërcënim të menjëhershëm” për ushtarët në zonën e kreshtës Ali al-Taher në jug, brenda një zone të Libanit jugor ku forcat izraelite kanë shpallur një “zonë sigurie”. Nuk ishte menjëherë e qartë nëse ky ishte i njëjti incident.