Vuçiç mohon zërat se arka e shtetit është bosh: “Kemi gati 5 miliardë euro, pagat dhe pensionet paguhen me kohë”

Presidenti i Serbisë, Aleksandar Vuçiç, ka mohuar zërat e mediave se arka e shtetit është bosh dhe se nuk ka para për ndihmën e njëhershme financiare për qytetarët, as për rritjen e pagave në sektorin publik dhe të pensioneve. Deklaratat i bëri në një intervistë për TV Informer.

“Veç e kemi paguar ndihmën e njëhershme, ndërsa 6.000 dinarë vijojnë më 22 shtator. Të gjitha pagat dhe pensionet po paguhen me kohë. Kemi gati pesë miliardë euro në llogari”, tha Vuçiç, duke e mohuar çdo dyshim për gjendjen financiare të vendit.

Ai shtoi se Serbia disponon gjithashtu rezerva valutore prej 31 miliardë eurosh dhe shprehu bindjen se Fondi Monetar Ndërkombëtar do ta vlerësojë pozitivisht ecurinë ekonomike të vendit.

“Rejtingu ynë i kreditit nuk na e prek askush, ai vetëm mund të përmirësohet. Nuk kemi asnjë problem, jemi shumë stabilë, dhe problemi ynë i vetëm janë çmimet e naftës dhe gazit, por edhe për këtë kemi gjetur para të mjaftueshme – qytetarët nuk kanë përse të shqetësohen”, theksoi presidenti serb.

Burimi: Nova.rs