Zbardhet plani për rishikimin e buxhetit 2015, ulen shpenzimet, deficiti nuk cënohet

Qeveria shqiptare në një komunikim të fundit FMN i ka qëndruar angazhimit për konsolidim fiskal, në mënyrë që të mbajë të pandryshuar angazhimin për uljen e borxhit publik drejt nivelit 60 % në 2018.

“Ne angazhohemi për të vazhduar me konsolidimin fiskal, siç është planifikuar, në mënyrë që të zvogëlojmë dobësitë e borxhit që pengojnë rritjen dhe shkaktojnë destabilitet makroekonomik” thuhet ne angazhimet qe qeveria e Shqipërisë ka drejtuar stafit te FMN.

Të ardhurat më të ulëta të shkaktuara nga dobësitë në sektorin e naftës me 6 miliardë lekë (0.4 për qind e PBB-së), në vitin 2015 janë duke u kompensuar me një rishikim në ulje e shpenzimeve buxhetore, kanë pohuar autoritet e shqiptare në lidhje me dobësinë e krijuar në realizimin e të ardhurave buxhetore sipas programit të këtij viti.

Fondi Monetar Ndërkombëtar ka marrë premtimin nga qeveria e Shqipërisë se, të ardhurat e siguruara nga tarifat e licencave celulare prej 1.8 miliard lekë (0.1 për qind e PBB-së) do të rezervohen për mbrojtur çdo përformancë të dobët në të ardhura gjatë periudhës në vijim.

Gjithashtu qeveria është angazhuar se, pavarësisht nivelit të ulët te të ardhurave këtë vit nuk do të cenojë objektivin për arritjen e deficitit sipas programi 2015.

“Në periudhën afatmesme, ne jemi të angazhuar për uljen e borxhit publik ndaj PBB-së raport nën 65 për qind deri në fund të programit në vitin 2017 dhe nën 60 për qind nga 2018.” ka raportuar qeveria në FMN.