Zbulohet një anije e mbytur romake në brigjet e Siçilisë

Një anije e mbytur nga lashtësia romake u gjet në brigjet e Siçilisë, që vlerësohet se daton më shumë se 2,000 vjet më parë.

Anija u gjet e ngarkuar me qindra kontejnerë të ruajtur mirë, të cilët përdoreshin për të transportuar produkte të tilla si vera dhe vaji i ullirit.

Ministri italian i Kulturës, Alessandro Giuli, e përshkroi anijen e mbytur si një nga zbulimet më të rëndësishme arkeologjike nënujore të viteve të fundit.

Zhytësit specialistë e gjetën anijen në një thellësi prej rreth 46 metrash, pas një informacioni nga peshkatarët. Anija e mbytur është 21 metra e gjatë dhe gjashtë metra e gjerë,.

Ministria e Kulturës thotë se anija daton që nga shekulli i 2-të ose i 1-rë para Krishtit. Peshkatari dhe zhytësi i lirë Giacomo De Mola përshkroi se si e zbuloi aksidentalisht anijen historike ndërsa eksploronte shtratin e detit pranë Mazara del Vallo.

Zhytës specialistë nga njësia speciale e policisë italiane për mbrojtjen e trashëgimisë kulturore, e njohur si Skuadra e Artit të Karabinierëve u dërguan në vendngjarje.

Zyrtarët thonë se do të merren masa sigurie për të ruajtur rrënojat gjatë hetimit, ndërsa ekspertët punojnë për të përcaktuar natyrën e saj dhe për të mbledhur më shumë informacion rreth ngarkesës së saj.

Mi congratulo con l’Arma dei Carabinieri, con il Nucleo TPC e la Soprintendenza del Mare della Regione Siciliana per una delle più importanti scoperte archeologiche subacquee degli ultimi anni:al largo di Mazara del Vallo è stato individuato un relitto romano del II-I secolo a.C. pic.twitter.com/kiQjZ7HYoD