Zelensky mbërrin në Sofje për një vizitë njëditore

Zelensky përmes Telegramit tha se synon të angazhohet në diskutime gjithëpërfshirëse me kryeministrin bullgar Nikolai Denkov dhe të zhvillojë takime me presidentin Rumen Radev, si dhe me zyrtarë të ndryshëm qeveritarë dhe deputetë.

Temat që do të trajtohen përfshijnë ndihmën e mbrojtjes, integrimin e Ukrainës në komunitetin euro-atlantik, samitin e ardhshëm të NATO-s, garancitë e sigurisë dhe ekzekutimin e Formulës së Paqes.

Por, disa anëtarë të NATO-s, sikurse Shtetet e Bashkuara dhe Gjermania kanë qenë më të kujdesshme dhe kanë paralajmëruar kundër çdo lëvizjeje që ato druajnë se mund ta çojnë aleancën më afër ndaj një lufte aktive me Rusinë.

Moska që një kohë të gjatë thotë se zgjerimin e NATO-s është dëshmi për armiqësitë e Perëndimit.

Që kur nisi kundërofensiva në fillim të qershorit të këtij viti, Ukraina ka thënë se ka arritur të rimarrë kontrollin e disa fshatrave në juglindje. Por, Kievi ka sugjeruar se ende nuk ka dislokuar pjesën më të madhe të forcave, që janë trajnuar nga Perëndimi, dhe pajisjet e rënda. Rusia nisi pushtimin e paprovokuar në shkallë të plotë të Ukrainës në shkurt të vitit 2022.