Arte

“Zâ Festival”, festa që rikthen në Theth tregimet e Orëve dhe Zanave

Edicioni i parë i “Zâ Festival” do të rikthejë në Theth, në vendin ku frymojnë humbur thellë këngët legjendare, tregimet e Orëve dhe Zanave.

“ZA Fest”, i cili mbështetet nga Ministria e Punëve të Jashtme, do të zhvillohet në 26 gusht, nën hijen e majave të Radohimës, Shenikun dhe Paplukut, që do të humbasin mes tingujve të muzikës më të mirë folk në shqip.

Zâ Festival ka bërë bashkë kantautorët shqiptarë më në zë, si Elina Duni, Shpat Deda dhe Vlashent Sata.

Në Zâ Festival vend kryesor do të ketë magjia e thirrjeve stërgjyshërore. Aktori me famë ndërkombëtare, Arben Bajraktaraj do t’i japë zâ gojëdhënave, tregimeve, legjendave dhe përrallave të moçme, të cilat na rikthejnë shpirtin e paraardhësve.

Ky event u bë i mundur falë bujarisë të vetë natyrës dhe mikpritjes të banorëve të Thethit, ndaj Zâ Festival është shansi më i mirë për t’i shijuar të plota, me atmosferën që meritojnë.

Related Articles

Leave a Reply

Your email address will not be published. Required fields are marked *

Back to top button