100 vjetori i Pavarësisë- krerët e shtetit në Tiranë

Dhe ky 28 nëntor, e gjen sërish politikën shqiptare të ndarë mes Vlorës dhe Tiranës. Sipas njoftimit zyrtar, Presidenti i Republikës Bujar Nishani, Kryeministri Edi Rama, zv.Kryetarja e Parlamentit, Valentina Leskaj dhe anëtarë të kabinetit qeveritar, do të jenë sot në orën 10:00 në Sheshin e Flamurit në Vlorë në ceremoninë e përvitshme të ngritjes së flamurit dhe të festimeve për Ditën e Pavarësisë.

Ndërkaq, opozita e cila feston më 28 nëntor Pavarësinë edhe Ditën e Çlirimit, ka njoftuar se po në orën 10:00 do të zhvillojë homazhe në varrezat e “Dëshmorëve në Tiranë”.

Një orë më pas, homazhet do zhvendosen në bustin e komandantit legjendar të UÇK-së Adem Jashari, ndërsa në orën 16:30, opozita do përkujtoi Ditën e Pavarësisë, duke vendosur kurora me lule në bustin e Ismail Qemalit në kryeqytet.