17,5 kilogramë kokainë kapen në kufirin Bezdan me Kroacinë — arrestohet 57-vjeçari

Policia kufitare në pikën kufitare Bezdan me Kroacinë arrestoi një 57-vjeçar me inicialet R.J., pasi në automjetin e tij u gjetën 17,5 kilogramë kokainë, njoftoi Ministria e Punëve të Brendshme (MPB) e Serbisë.

Ministri i Brendshëm, Ivica Daçiç, bëri të ditur në deklaratë se droga u gjet në 16 pako të paketuara në dy çanta. Në automjet u gjetën gjithashtu 17 tableta nga lista e substancave psikoaktive, si dhe 2.650 euro.

Të dyshuarit i është caktuar masa e ndalimit deri në 48 orë dhe ai do të dërgohet, me kallëzim penal, në Prokurorinë e Lartë Publike në Sombor.

Burimi: Danas (MPB e Serbisë)