30 ditë burg për Albin Kurtin

Pas përfundimit të manifestimit të opozitës në Prishtinë, situata është tensionuar. Policia e Kosovës ka rritur numrin e pjesëtarëve të Njësisë Speciale para objektit të Lëvizjes Vetëvendosje. Një pjesë e forcave policore kanë hyrë me forcë brenda selisë së ‘Vetëvendosjes’. Pak minuta më pas, në pranga është vënë deputeti Albin Kurti, i cili më pas i është dorëzuar Prokurorisë për procedurat e mëtejshme.

Pak orë më pas, Gjykata Themelore ka caktuar masën e sigurisë “30 ditë paraburgim”, pas kërkesës së Prokurorisë. Masa e sigurisë i është caktuar për shkak të dyshimit të bazuar se ka kryer tri vepra penale, pengim i personit zyrtar në kryerjen e detyrës zyrtare, mbajtje të armës dhe shkaktimi i rrezikut të përgjithshëm.