Ndërkaq, gjatë gjithë vitit 2018 numri i jahteve që vizituan Durrësin arriti në 380 gjithsej.
Jahtet e madhësive të ndryshme dhe me flamurë të vendeve si: Britani e Madhe, Francë, Norvegji, Islandë, Gjermani, Turqi, Maltë, etj, janë vendosur kryesisht në kalatën 4 të portit, të cilën drejtoria e Autoritetit Portual Durrës këtë vit e sistemoi enkas për anijet turistike.
Në port nuk kanë munguar edhe jahtet nga vende të ndryshme të pellgut të Adriatikut dhe Jonit, si Italia, Kroacia, Greqia, etj.
Vetëm gjatë muajit shtator në portin më të madh të vendit kanë hyrë 57 jahte, të cilat kanë qëndruar në Durrës në periudha nga 1-7 ditë.
Anijet turistike me gjatësi deri në 120 metra kanë marrë shërbimet portuale, ndërsa turistët dhe personeli kanë vizituar qytetin dhe qendrat muzeale dhe historike të tij.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.