Aksident me vdekje në Lushnje, përmbyset zetori! Humbet jetën 71-vjeçari

Një aksident i rëndë është regjistruar mëngjesin e kësaj të hëne në fshatin Dushk të Lushnjës, ku si pasojë ka humbur jetën një 71-vjeçar, i identifikuar si Riza Xhelo.

Sipas raportimeve paraprake, aksidenti ka ndodhur në vendin e quajtur Rruga e Rezervuarit. Mësohet gjithashtu se 71-vjeçari, me mjetin e tij bujqësor, zetor, dyshohet se ka humbur kontrollin, duke dalë jashtë rruge dhe duke u përmbysur, ku për pasojë ka gjetur vdekjen në vendin e ngjarjes.