Ambasada Amerikane: Ja kush është përgjegjës për dhunën

Kur kanë mbetë vetëm disa minuta para protestës së opozitës, të thirrur në orën 10:00 të ditës së Premte, si dhe seancës për zgjedhjen e Presidentit të Republikës në orën 11:00, Ambasada e Shteteve të Bashkuara të Amerikës në Kosovë fton të dyja palët për me u përmbajte ndaj akteve të dhunës.

E pyetur nga Televizioni Rrokum, se mbi kënd bie përgjegjësia për çfarëdo akti të dhunës që mundet me ndodhë nga përplasja e mundshme e militantëve të PDK’s dhe opozitës, Ambasada e Shteteve të Bashkuara të Amerikës, thotë se përgjegjësia për dhunën u takon atyre që kryejnë akte të dhunshme, si dhe liderëve të atyre partive që e tolerojnë dhunën.

Qeveria e Shteteve të Bashkuara të Amerikës ka bërë investime të mëdha që Kosova me pas një demokraci të suksesshme dhe funksionale. Përgjegjësia për dhunën bie mbi ata që kryejnë akte të dhunshme, si dhe mbi liderët e atyre partive që e lejojnë dhunën. Ambasada e Shteteve të Bashkuara u bën thirrje të gjitha palëve që me u përmbajttë nga aktet e dhunshme, – thuhet në përgjigjen e Ambasadës Amerikane.

Ma tej, Ambasada deklaron se Shtetet e Bashkuara të Amerikës mbështesin institucionet demokratike të Kosovës, e jo kandidaturat individuale apo partitë.