Autokolona e makinave te blinduara te SHBA-së mbërrin në Republikën Çeke

Autokolona e quajtur “Parada e dragoit”, të cilën Shtetet e Bashkuara të Amerikës e filluan me makina të blinduara nga Estonia, vazhdon me gjithë shpejtësi.

Autokolona e makinave të blinduara e nisur nga Shtetet e Bashkuara të Amerikës me qëllim për të treguar forcën kundër Rusisë dhe për të dhënë mesazhin e përkrahjes aleatëve të saj në Evropë e që do të përshkojë një rrugë të gjatë 1 mijë e 800km, arriti në Republikën Çeke.

Një numër i madh i personave autokolonën në fjalë e priti në kufi me flamuj çek, amerikan dhe të NATO-s që mbanin në duar.

Ndërkaq në kufi ishin të pranishëm edhe personat që shprehën pakënaqësinë e tyre kundër autokolonës amerikane.

Kundërshtarët këtë autokolonë e cilësuan si “Një autokolonë provokative në kufirin me Rusinë”.

Autokolona me makina të blinduara rrugëtimin e saj e filloi nga baza ushtarake Tapa në Estoni.

Para se të mbërrin në Republikën Çeke, autokolona në fjalë kaloi nëpërmjet Estonisë, Lituanisë, Polonisë dhe Letonisë.

Gjatë qëndrimit treditorë në Çeki, makinat e blinduara do të vizitojnë disa qytete dhe do të jenë të hapura për vizitën e popullit.

Ndërkaq ndalesa e fundit e kësaj parade të gjatë 1 mijë e 800km e quajtur “Parada e dragoit” do të jetë qyteti Vilseck në Gjermani.

Ndërkohë në kuadër të këtij aktiviteti edhe 14 avionë luftarak të tipit F-16 të Forcave Ajrore Amerikane, do të jenë të dislokuara deri nga mesi i prillit në qytetin Talinn të Estonisë.