Basha: Javën e ardhshme nisin protestat pa limit

Kryetari i Partisë Demokratike, i ftuar në emisionin “Opinion” të gazetarit Blendi Fevziu ka folur për protestën e dy ditëve më parë të organizuar nga opozita, ndërsa ka deklaruar se protestat pa pushim do të nisin javën e ardhshme.

“Mosbindja civile është një praktikë moderne 100-vjeçare e praktikuar në demokracitë më të mëdha modernë në botë. Së pari përmes një konsultimi brenda PD-së dhe një bashkëbisedimi që nis me qytetarët që nis javën e ardhshme. Do të ketë vazhdim të pandërprerë të protestave. Protestat do të vazhdojnë pa pushim.”
I pyetur nëse do të ketë bojkot të parlamentit, Basha tha se: “Parlamenti është arenë e përballjes poliike. Vendosëm një kusht dhe u kthyem. Protestat sapo kanë nisur. Do shikojmë të gjitha mjetet. Përshkallëzimet e mosbindjes civile do të jenë të formave të ndryshme.”

Basha ka sqaruar se pse kërkoi zgjedhje të parakohshme. “Vetëm në muajin shtator në kulmin e aksionit kundër informalitetit, ku janë shpunësuar 73 mijë njerëz, ku nga INSTAT thuhet se është thelluar nga 7.3 në 7.5 për qind papunësua e cila rritet, kur nga avokatë të zjarrtë të kësaj qeverie, njerëz që kanë kërkuar të vijë kjo qeveri, kanë mbetur të zhgënjyer. Ka një zemëratë të thelluar. U tha për 300 mijë vende, papunësia thellohet. U tha për legazlime falas, u braktis që në fill. Shëndetësia është kthyer në vjedhje me sistem. Zgjidhje nuk është largimi nga Shqipëria por largimi i qeverisë.”

vijon