Basketboll meshkuj, Euro 2029/Shqipëria, fund me fitore

Shqipëria në basketboll për meshkuj i ka mbyllur me fitore parakualifikueset e Kampionatit Europian 2029. Djemtë kuqezi kanë triumfuar ndaj Kosovës në Prizren me rezultatin total 89-82 duke zhvilluar ndeshjen e tyre më të mirë të këtij edicioni. Pas një periode të parë të barabartë, 23-23, Kosova mundohet të marrë frenat e lojës në dorë. 25-24 për Kosovën perioda e dytë, ndërsa në pushim dardanët kanë kryesuar 48-47.

Pas pushimit Shqipëria është me një tjetër nivel. 22-17 perioda e tretë për kuqezinjtë, të cilët kanë përmbysur në 69-65. E fundit përsëri për Shqipërinë, 20-17 dhe përfundimisht 89-82. Lojtari më efiçent i Shqipërisë në këtë ndeshje, Xhoel Gaxho me 23 pikë, që pati dhe 9 kapje topi në tabelë. Ndërkohë pikëshënuesi më i mirë i Shqipërisë, Brein Tajri me 25 pikë, i cili kishte 8 asiste.

Në bllokim të topit të kundërshtari u dallua Elvis Dusha me 1 të tillë, kurse në rrëmbimin e topit të kundërshtarit në aksion e sipër ishte Eldi Hysa me dy të tilla. Një paraqitje e jashtëzakonshme e djemve kuqezi në këtë ndeshje të trajnerit spanjoll Rikardo Felipe Gonzalo Davila.

Që do të thotë se mund të jetë një e ardhme më e ndritur për këtë kombëtare në aktivitetet e ardhshme ndërkombëtare.