Baumgartner humb Botërorin 2026, austriaku u dëmtua përpara miqësores me Tunizinë

Austria ka humbur sot një lojtar mjaft të rëndësishëm për Botërorin 2026. Christoph Baumgartner nuk do të jetë pjesë e këtij turneu pasi ka pësuar një dëmtim muskulor gjatë nxemjes në prag të miqësores që kishte program Austria me Tunizinë.

Lojtari i RB Leipzig mbërriti në Botërorin 2026 pas një sezoni fantastik ku shënoi 17 gola dhe dhuroi 8 asist në Bundesliga.

Për Austrinë ky lajm nuk duhej në këtë vigjlje të Botërorit. Siç dihet Austria u rikthye në fazën finale të këtij turneu pas plot 28 vitesh mungesë. Austria është pjesë e Grupit J së bashku me Argjentinën, Algjerinë dhe Jordaninë.