Beleri reagon për deklaratën e Ramës sot në Athinë: Viktimizohet, ai e kontrollon drejtësinë

Eurodeputeti, Fredi Beleri i ftuar këtë të mërkurë në emisionin “Now” me Erla Mëhillin në Euronews Albania ka folur lidhur me vizitën e kryeministrit Edi

Eurodeputeti, Fredi Beleri i ftuar këtë të mërkurë në emisionin “Now” me Erla Mëhillin në Euronews Albania ka folur lidhur me vizitën e kryeministrit Edi Rama në Greqi si dhe për komentet e tij për të. Beleri gjatë fjalës së tij u shpreh se Rama po bën padrejtësi që e krahason me kryebashkiakun socialist të Tiranë, Erion Veliaj.

Ai thkeksoi se për vepra penale të supozuara për 360 euro ka qëndruar 16 muaj në burg. Beleri shtoi se në BE është panegociushme respektimi i votës së qytetarëve. Beleri gjithashtu tha se Rama flet për reformën në drejtësi ndërsa ngriti pyetjen nësë kjo reformë është e drejtë apo i mban personat padrejtësisht brenda në burg. Ndër të tjera ai e ka cilësuar hipokrit dhe se retorika e Ramës është e pavend.

“Retorika e zotit Rama ndaj meje ishte që drejtësia është e pavarur. Sot fajin e kanë gjykatësit. Edhe atëhere ishte pa vend, edhe sot është pa vend. Ndërhyrja e pushtetit, ekzekutivit ndaj gjyqësorit nuk mund të ndodhë një vend demokratik.

Zoti Rama është mësuar t’i bëjë këto, t’i mbajë këto qëndrime dhe të mos të ndëshkohet nga populli shqiptar dhe vazhdon t’i bëjë. Besoj se zbutja e tij ka të bëjë se zoti Rama dhe qeveria e tij janë në momentin më të keq gjatë këtyre 13 vjetëve.

Ka të bëjë me integrimin, me çështjen aktuale në Shqipëri, me varfërinë, me reformat që nuk po avancojnë, me shtetin e së drejtës që shkon nga e keqja në më të keqen. Nuk ka një aspekt që Shqipëria të ketë përparim.

Nuk duhet t’u kisha bërë asnjë ditë burg, as sa shumica e shqiptarëve që janë sot në burg. Jemi shteti vetëm që kemi 60% të burgosurve që janë statusin e të paraburgosurit. Kjo nuk është demokraci.

Nuk ishte rastësi që janë në burg. I mban gjyqësori i zotit Rama me një qëllim për t’i frikësuar, për t’i manipuluar për zgjedhje.Domethënë po të bësh një gardh në burg, po të bësh kulla je mik i qeverisë. Ka një shprehje kur bën luanin fqinj, ka mundësi që luani të ha. Tani luani po ha zotin Rama. Rama viktimizohet dhe do u thotë qytetarëve se nuk e kontrollon drejtësinë por e kontrollon plotësisht edhe tani”, tha ai.