Biden: Demarkacioni dhe Asociacioni duhet të kryhen

Zv.Presidenti Amerikan Joe Biden që ndodhet për vizitë zyrtare në Kosovë në një konferencë për media shprehu se Demarkacioni dhe Asociacioni i Komunave Serbe duhet të miratohen.

Duke u bazuar në fjalën e Thaçit për demarkacionin Biden theksoi ” Kjo është e rëndësishme të jeni të përkushtuar në këtë çështje. E dimë që është dashur të shtyhen disa reforma, por janë vendimet e zorshme që sjellin fryte. E dimë që dhimbjet e luftës janë ende të freskëta por e vetmja mënyrë për Kosovën është një e ardhme e përbashkët”.

Ai tha se edhe themelimi i Komunave Serbe është i domosdoshëm për arsyen se këto janë thelbësore për avancimin e Kosovës e Serbisë.

Biden tha gjithashtu se çështjen e Komunave Serbe e ka diskutuar edhe me Kryeministrin e Serbisë, Aleksander Vuçiç. Po ashtu ai ka përgëzuar presidentin Thaçi për pjesëmarrjen e tij në Grackë.

“Ju përgëzoj që keni marr pjesë në Grackë ku keni nderuar viktimat serbe të vitit 1999 dhe fëmijët që janë vrarë në vitin 2003, por këto janë dëshmi e përparimit që Kosova po arrin përmes udhëheqjes suaj .Kërkohet bashkëpunim i ngushtë me vendet fqinje e madje edhe me ish-armiqtë tuaj, Mustafa dhe Thaçi kanë shprehur përkushtim për vazhdimin e dialogut në Bruksel. Themelimi i asociacionit do të jetë i domosdoshëm por i zorshëm. Unë fola edhe me Vuqiçin dhe të dyja palët përballen me zëra të ndryshëm, por e keni përgjegjësinë t’ju përmbaheni zotimeve që i keni dhënë”, ka thënë Biden.