Blendi Klosi: PS, forca politike që e çon Shqipërinë në Bashkimin Evropian

Në kuadër të festimeve për 35-vjetorin e themelimit të Partisë Socialiste të Shqipërisë, Sekretari i Përgjithshëm i PS-së, Blendi Klosi, mbajti një fjalë hapëse duke theksuar rolin historik të kësaj force politike si udhëheqëse e rrugës së Shqipërisë drejt integrimit evropian.

Duke folur në aktivitetin e 35-vjetorit të themelimit të PS, Klosi nënvizoi se Partia Socialiste ka qenë dhe mbetet forca politike që i ka shërbyer vendit.

“Në këtë udhëtim të 35-vjetorit, bashkë u jemi përulur të gjithë themeluesve për sakrificën që ata kanë bërë për krijimin e kësaj force të madhe.

Të gjithë së bashku kemi dhënë mbështetjen e pakursyer për lidershipin e Partisë Socialiste, për Edi Ramën, kryeministrin e Shqipërisë, i cili së bashku me PS-në po e çon Shqipërinë drejt Bashkimit Evropian.

Ne socialistët kemi shprehur dhe kemi qenë së bashku me njerëzit e thjeshtë, të gjithë ne jemi krenarë se Partia Socialiste në 35 vjet i ka shërbyer vetëm Shqipërisë.

Prandaj ne jemi të gjithë këtu së bashku jemi kaq shumë për të uruar që përvjetorët e tjerë të jenë përvjetorë evropianë të Partisë Socialiste”, tha Klosi.