Bojaxhi publikon financuesit e fushatës së tij

Kandidati i pavarur për Bashkinë e Tiranës Gjergji Bojaxhi, publikoi dje  të gjitha ata që do e mbështesin finaciarisht në këtë garë. Të gjitha dhurimet do të jenë publike dhe të detajuara në faqen www.netirana.al. Të dhënat përmbledhëse janë të datës 22 Maj 2015 dhe rifreskohen çdo të Premte. Totali deri diten e premte eshte 2.325.000 leke ku kane kontribuar 53 individe.

“Sot kemi bërë publike dhurimet dhe burimet financiare të fushatës sonë e cila do jetë një fushatë shumë herë më e lirë dhe me kosto më të ulët se fushatat e bëra më parë në Tiranë. Megjithatë, dua të përfitoj nga rasti të shpreh shqetësimin tonë për faktin se financimi i partive politike është njëri nga problemet më të mëdha që kemi në shoqërinë tonë.

“Mënyra e financimit është burim kryesor i keqqeverisjes dhe korrupsionit. Partitë dhe fushata e kandidatëve të tyre, financohen nga biznese të mëdha, biznese të dyshimta, ndoshta korruptive dhe kriminale”, është shprehur Bojaxhi.