Ministri i Tregtisë së Jashtme të Bosnjës, Mirko Sharoviq ka thënë se mund të kërkojnë përjashtimin e Kosovës nga CEFTA, pas vendimit për taksë prej 100 për qind naj mallrave të importuara nga Bosnja e Hercegovina.
Taksa prej 100 për qind është vendosur edhe për mallrat serbe andaj Sharoviq ka thënë se nuk kanë nevoje t’u kundërvihen me masa të njëjta por mund të kërkojnë ndëshkimin e Kosovës nga marrëveshja që parasheh tregti të lirë, transmeton lajmi.net.
“Në mbledhjen e 17 dhjetorit do të njoftojmë Johannes Hahnin dhe Federico Mogherinin”, deklaroi Sharoviq për “TV Alfa”.
Sharoviq ka theksuar se Kosova me inkuadrim në CEFTA ka pranuar faktin se Bosnja e Hercegovina nuk e ka pranuar shtetësinë e Kosovës dhe kjo nuk mund të jetë si kusht i tregtisë së lirë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.