Botërori 2026: 14 herë më shumë përmbajtje të dëmshme në rrjetet sociale

Botërori 2026, i cili nisi më 11 qershor dhe përfundon më 19 korrik, ka shënuar një rritje të ndjeshme të përmbajtjeve të dëmshme në rrjetet sociale gjatë zhvillimit të turneut. Shërbimi i mbrojtjes së rrjeteve sociale të FIFA-s njofton se këtë verë janë identifikuar dhe hequr më shumë se shtatë milionë mesazhe.

Sipas bbc, ky numër është 14 herë më i madh se në Botërorin e 2022, kur u regjistruan rreth 470,000 raste; po ashtu, FIFA raporton më shumë se 200,000 postime ofenduese dhe kërcënuese, krahasuar me 19,600 në Katar 2022.

Shërbimi i Mbrojtjes së Rrjeteve Sociale (SMPS) ka moderuar mbi 53 milionë postime dhe komente gjatë turneut, ndërsa sistemet e inteligjencës artificiale detektuan më shumë se 530,000 mesazhe të drejtuara ndaj individëve, të cilat u vlerësuan nga ekipi i SMPS. Mbi 15,000 postime u kaluan për veprime të mëtejshme dhe më shumë se 1,000 kërcënime të rënda u dorëzuan te autoritetet përkatëse, përfshirë organet e zbatimit të ligjit.

Turneu, i bashkë-organizuar nga Shtetet e Bashkuara, Kanadaja dhe Meksika, nxjerr në pah sfidat që vazhdojnë për mbrojtjen e lojtarëve, stafit dhe zyrtarëve në ambientet dixhitale, raporton bbc.