Bullgaria do të marrë pjesë në operacionin e NATO-së në Mesdhe me një fregatë

Bullgaria do të marrë pjesë në operacionin e NATO-së në Mesdhe “Rojtari detar”, informoi në Bruksel ministri i mbrojtjes Nikollaj Nençev. Anijet luftarake të NATO-së do të bashkëpunojnë me misionin evropian “Sofje” në Mesdheun Qendror. Ato do t’u kundërvënë trafikantëve të njerëzve që vijnë nga brigjet e Libisë. Në pjesëmarrjen e tij në mbledhjen e parë të ministrave të Aleancës ministri Nençev saktësoi: “Ky vendim akoma nuk është marrë. Do të marrim pjesë me një fregatë, siç kemi bërë deri tani. Ushtarakët bullgarë nuk do të përfshihen në rotacionin e katër batalioneve të NATO-së, të cilat do të dërgohen në kufirin lindor të Aleancës me Rusinë, shpalli ministri i mbrojtjes.