Capello për hetimin e arbitrave italianë: Një ‘Calciopoli’ i re do të ishte shumë i rëndë

Fabio Capello, në një intervistë për “Corriere della Sera”, foli për hetimin ndaj ish-drejtuesit të arbitrave Gianluca Rocchi dhe situatën në futbollin italian: “Do të doja të isha i kujdesshëm sepse ish-drejtuesi i arbitrave është vetëm nën hetim. Duhet të presim dhe të mos nxjerrim përfundime të nxituara. Shpresa ime është që akuza për bashkëpunim në mashtrim sportiv të mos jetë e vërtetë. Të mendosh për një shkelje të re, pas ‘Calciopoli’ më 2006, do të ishte shumë e rëndë.

Edhe në aspektin sportiv kemi bërë gabime të tilla sa nuk jemi kualifikuar në Botëror për tri edicione radhazi. Të imagjinosh sjellje të dyshimta nga arbitrat do të ishte shumë e keqe, por jam kundër gjykimeve të parakohshme. Procesi nuk ka filluar ende dhe duket sikur po shembet i gjithë sistemi i futbollit. Duhet t’i kufizojmë përgjegjësitë”.

Ish-trajneri i njohur tha gjithashtu se nuk beson se një komisar do t’i zgjidhte problemet: “Do të humbnim shumë kohë dhe vendimet do të shtyheshin. Unë do të vazhdoja me zgjedhjet federale dhe paralelisht do të punoja për një plan ringritjeje të futbollit. Në të kaluarën kemi pasur dy komisarë, por nuk mbaj mend rezultate të mëdha”.