Çfarë zbuloi ekspertiza mjeko-ligjore për vrasjen e 44-vjeçares shqiptare nga bashkëshorti në Greqi! Ditëlindja që u kth

Hetuesit kanë përfunduar edhe këqyrjen dhe ekspertimin mjeko-ligjor e forenzik për krimin e rëndë në familjen shqiptare në Rodopi të Kretës, Greqi, ditën e djeshme.

Esma Meço, 44 vjeçe u godit me thikë në qafë për vdekje nga bashkëshorti i saj Bujar Meço, me precedentë të mëparshëm. Krimi ndodhi në sy të fëmijëve të çiftit që ishte pothuajse në proces ndarjeje dhe kishte konflikte. Gruaja ishte kthyer në banesë për ditëlindjen e 16-të të së bijës, që u kthye në mort.

Ekspertët zbuluan se vetëm një goditje në qafë i ka shkaktuar vdekjen shqiptares. Djali 19-vjeçar i viktimës u përpoq t’i jepte ndihmën e parë duke e çuar me urgjencë në spital, por për fat të keq 44-vjeçarja nuk mbijetoi.

Sipas ekzaminimit mjeko-ligjor, nuk u gjetën lëndime të tjera në trup, ndërsa vdekja vlerësohet të ketë ndodhur shumë shpejt, brenda afërsisht 3 deri në 5 minutave nga goditja.

Sipas informacioneve, thika e përdorur ishte afërsisht 20 centimetra e gjatë. Goditja i kishte dëmtuar edhe mushkëritë, pasi tehu i thikës u ngul nga sipër poshtë, në formë vertikale, informon “Protothema”.

Autori i krimit më pas tentoi vetëvrasjen duke pirë benzinë. Ai u transportua në spital dhe ndodhet jashtë rrezikut për jetën dhe nën gjendje arresti spitalore për krim të rëndë në familje.