Çmimet “e çmendura” të biletave për Botërorin, Trump: As unë nuk nuk do t’i paguaja ato shifra

Teksa botërori i këtij viti po afron, polemikat për çmimet stratosferike të biletave janë ndezur dita ditës dhe së fundi edhe vetë presidenti amerikan Donald Trump i ka kritikuar ashpër këto çmime duke thënë se as ai vetë nuk do të paguante 1000 dollarët e biletës për ndeshjen hapëse mes SHBA dhe Paraguajit.

‘Nuk isha në dijeni të asaj shifre. Do të më pëlqente të isha, por të them të vërtetën, as unë nuk do ta paguaja atë shifër-tha kreu i Shtëpisë së Bardhë në një intervistë telefonike për New York Post.

SHBA do të debutojnë në Botëror në 12 qershor në SoFi Stadium të Los Angeles ku përballë do të ketë Paraguajin dhe çmimet e biletave të kësaj sfide nisin nga 1000 dollarë, ‘Nuk e kam marrë ende lajmin, por do të duhet të hedh një sy-tha presidenti Trump që u shpreh i zhgënjyer nga fakti që klasa punëtore amerikane që përbën një pjesë të bazës së tij elektorale, të mos mund të ketë mundësinë të ndjekë ndeshjet e Botërorit për shkak të çmimeve të papërballueshme.

‘Do të më pëlqente që njerëzit që kanë votuar për mua të kishin mundësinë që të ishin-tha Trump që nënvizoi se gjithsesi Botërori po rezulton një sukses i jashtëzakonshëm.