Conte: I heshtëm kritikat e padrejta ndaj nesh. Lukaku? I zhgënjyer, sepse prisja një përshëndetje

Antonio Conte u shfaq i kënaqur pas reagimit të Napolit, që harroi humbjen ndaj Lazios me fitoren 4-0 ndaj Cremonese: “Nuk kisha dyshime për përgjigjen e skuadrës. Kundër Lazios nuk goditëm në portë, asgjë nuk shkoi si duhet. Sot kishte vendosmëri dhe dëshirë për hakmarrje.

Pas Lazios pati shumë kritika të tepruara për një ekip që ka fituar kampionatin dhe Superkupën, si dhe është në vend të dytë, edhe pse mungojnë 4 lojtarë si Giovanni Di Lorenzo, David Neres, Romelu Lukaku dhe Vergara. Sezoni ka qenë shumë i vështirë, të jemi këtu në renditje është e rëndësishme. U thashë djemve ta mbyllim sa më mirë dhe t’i lëmë të tjerët të kritikojnë”.

Për Scott McTominay: “E vendosëm në qendër nga nevoja, por mendoj se kjo është pozita e tij, sepse bëhet ‘box-to-box’ dhe arrin në zonë në mënyrë të padukshme”.

I zhgënjyer për Lukakun: “Nuk fola me të. Erdhi në qendër, por askush nuk trokiti në derën time. Më erdhi keq, prisja një përshëndetje apo një mesazh. Në këto situata trajneri përpiqet t’i kuptojë të gjithë, por askush nuk përpiqet ta kuptojë trajnerin”.