Curtis Jones është i Interit, 35 milionë euro në arkat e Liverpulit

Ndjekja e gjatë po shkon drejt fundit: Curtis Jones është gati të veshë fanellën e Interit. Mesfushori – i lindur në vitin 2001 dhe një kërkesë specifike e Cristian Chivut për t’i shtuar skuadrës një lojtar cilësor e polivalent – ​​është shumë pranë kalimit te zikaltërit.

Negociatat zhbllokuan situatën në orët e fundit falë një oferte të përmirësuar nga Interi, i cili arriti një marrëveshje verbale me Liverpulin për një shumë prej 30 milionë eurosh plus bonuse, çka mund ta çojë vlerën totale pranë 35 milionë eurove.

“Të Kuqtë” nuk pranuan të ulnin çmimin, edhe pse kontrata e lojtarit është e vlefshme deri në vitin 2027. Konfirmimi zyrtar pritet brenda pak orësh, pasi zikaltërit i kanë planifikuar tashmë vizitat mjekësore.

Megjithatë, nuk ka asnjë problem mes Interit dhe vetë Jonesit; kontrata ishte praktikisht gati dhe pritej vetëm drita jeshile nga klubet. Nëse procedurat burokratike ecin pa probleme, anglezi do të mund të udhëtojë drejt Milanos për të firmosur marrëveshjen që e lidh atë me klubin zikaltër.