Danimarka do të dërgojë 850 trupa në Letoni nën rotacionin e NATO-s

Danimarka do të vendosë 850 trupa në Letoni gjatë kësaj vjeshte, si pjesë e pranisë ushtarake me rotacion të NATO-s në krahun lindor të aleancës. Vendimi është miratuar nga Komiteti i Politikës së Jashtme i parlamentit danez, në një kohë kur vendet anëtare po forcojnë masat parandaluese përballë shqetësimeve të vazhdueshme të sigurisë që lidhen me Rusinë.

Vendosja e forcave u aprovua gjatë një mbledhjeje ku morën pjesë ministri i Jashtëm, Lars Løkke Rasmussen, dhe ministri i Mbrojtjes, Jeppe Bruus.

Pas takimit, Bruus deklaroi se batalioni danez do të vendoset në Letoni në vjeshtë, duke theksuar rëndësinë e pjesëmarrjes së Danimarkës në përpjekjet parandaluese të NATO-s. Ai njoftoi gjithashtu se komiteti ka miratuar dërgimin e një njësie daneze për operacione të pastrimit të minave.

Masa konsiderohet pjesë e strategjisë së aleancës për të rritur praninë ushtarake dhe gatishmërinë mbrojtëse në vendet e Evropës Lindore, në përgjigje të sfidave të sigurisë në rajon.