Dasmë në dhomën e ndenjes, Ronaldo dhe Georgina zbulojnë detajet e ceremonisë intime

Cristiano Ronaldo dhe Georgina Rodríguez kanë zgjedhur një mënyrë shumë intime për të kurorëzuar dashurinë e tyre, duke u martuar në dhomën e ndenjes së shtëpisë së tyre, në prani të fëmijëve.

Në një intervistë për Vogue, të publikuar pak ditë para ceremonisë, Rodríguez shpjegoi se vendimi ishte marrë me dëshirën për të krijuar një kujtim të veçantë familjar.

“Kemi zgjedhur ta bëjmë në dhomën e ndenjes së shtëpisë sonë, aty ku hamë mëngjes, drekë dhe darkë dhe ku jetojmë realitetin e jetës sonë”, tha modelja.

Ajo shtoi se dëshironte që, pas 30 vitesh, fëmijët e tyre të kujtonin me nostalgji atë moment.

“Dua që pas 30 vitesh fëmijët të mendojnë: ‘Diçka e mrekullueshme ndodhi në këtë tavolinë – betimet e martesës së prindërve tanë’”, u shpreh Rodríguez.

Ronaldo, 41 vjeç, ndërhyri me humor: “Ndoshta nuk do të jetë e njëjta tavolinë. Mund të ndryshojmë dekorin.”

Çifti, Ronaldo dhe Rodríguez, 32 vjeçe, thanë “po” më 10 gusht, pikërisht në 10-vjetorin e ditës kur u takuan për herë të parë, kur Rodríguez punonte në një dyqan Gucci në Madrid.

Megjithatë, ceremonia intime nuk do të jetë dasma e tyre e vetme. Rodríguez bëri të ditur se në të ardhmen planifikojnë një ceremoni më të madhe, ku do të jenë të pranishëm familjarët dhe miqtë.

“Ka qenë një vit i çmendur, me angazhime pune, gara dhe fëmijët”, tregoi ajo, duke shpjeguar se nuk donte që përvjetori i tyre të kalonte pa u festuar.

Rodríguez rrëfeu gjithashtu se, kur ishte e vogël, ëndërronte një dasmë madhështore, me “kalanë më të madhe, karrocën më të madhe, fustanin më të gjatë dhe një kurorë plot diamante”. Por me kalimin e viteve, dëshirat e saj ndryshuan.

“Tani them: jo. Dua diçka intime, me partnerin tim dhe fëmijët tanë, në shtëpi”, tha ajo.

Pas ceremonisë, Rodríguez i shkroi Vogue-ut se gjithçka kishte shkuar pikërisht siç e kishte imagjinuar.

“Ishte pikërisht siç e kisha imagjinuar. Intime, plot dashuri dhe me familjen tonë në rolin kryesor. Nuk mund t’i mbaja lotët”, tha ajo.

Ronaldo dhe Rodríguez u fejuan në gusht të vitit 2025, ndërsa çifti ka pesë fëmijë. Ronaldo është gjithashtu babai i Cristiano Ronaldo Jr., ndërsa në vitin 2017 mirëpriti binjakët Eva dhe Mateo përmes një nëne surrogate.

Çifti më vonë u bë prindër i vajzave Alana dhe Bella. Tragjikisht, vëllai binjak i Bellës, Ángel, ndërroi jetë në lindje.