Dea Michelle hedh një vezë virtuale mbi kokën e Braçes

Influencerja që mbështet revolucionin e flamingove, Dea Mishel ka hedhur një tjetër vezë virtuale mbi deputetin socialist Erion Braçe, vetëm pak orë pasi pas ku protestuesit hodhën vezë reale ndaj makinës së deputetit.

Dea Mishel ka komentuar me ironi në një postim të Braçes, duke iu referuar sulmit me vezë ndaj automjetit të tij.

“Erion mirëdita, si je? Vinte shumë erë vezë makina? E lave vetë apo në servis? Apo e ke lënë për momentin? Kujdes se thahet dhe mezi e heq pastaj. Është e keqe veza. Po ashtu, mos ke nevojë të të çojmë për ndonjë grafi? Mos ke thyer gjë? Se si dihet goxha sulm ishte. Më vjen keq. Të përshëndes”, ka shkruar Hoxha.

Pas kësaj sarkazme të mbushur me ironi deputeti është përgjigjur në mënyrën me prozaike të mundshme:“@deamichellee aaauuuu, je larë ti?!”

Më pas, influencerja ka publikuar një screenshot të shkëmbimit të komenteve dhe ka reaguar sërish ndaj përgjigjes së deputetit.

“Deputeti i dytë që e çon muhabetin në ofendime personale dhe më bën block. Me një të koment ky s’mbajti fare, të paktën asaj tjetrës i kisha bërë video e kuptoj. Më zhgënjeve pak Erion”, ka shkruar Dea Mishel.

Ajo ka shtuar me ironi se po mbledh reagime të tilla nga politikanët, pasi më parë ka pasur edhe një përplasje me deputeten tjetër socialiste, Zegjine Caushi.

“Po i mbledh si pokemona, brenda muajit dua 10 të tjerë”, u shpreh ajo, ndërsa ka bërë edhe një thirrje për pjesëmarrje në protestë, duke shkruar: “Shifemi te Kryeministria në protestë”.

Dhe sikur mos mjaftonin këto në postimi i Deas shkruhet: Njs e postova qe te kuptoni nivelin e intelektualeve tane, shifemi te kryeministria ne proteste, Repeal laë 21/2024 puqqq